GMF-tik Asturias aldetik datozkigun proposamenak helarazi nahi dizkizuegu, zeintzuekin duela 6 urtetik hona oso identifikaturik sentitzen garen, bai aldarrikatzen dituzten balioengatik, eta baita erakutsi dizkiguten segurtasun-neurriengatik eta lan onagatik ere. Horregatik guztiagatik, eta askoz gehiago, haiekin lankidetzan aritzea erabaki dugu, ez bakarrik jarduera honen zabalkundean, baita Gipuzkoako parte-hartzaile federatuei gutxienez 100 €ko diru-laguntza ematen eta horien inskripzioak kudeatzen ere.

Zeharkaldi horietan, garrantzitsuena ez da jardueren alderdi ludikoa izango, baizik eta horietatik haratago, etorkizuneko edo gaur egungo mendizale baten eraketan hain garrantzitsuak diren alderdiak bilatzen dira, hala nola:

         – Mendia bezalako ingurune batean ahalik eta autonomoena izatearen garrantzia; horretarako, ezinbestekoa izango da ezagutza teknikoak eskuratzea, egin beharreko lanetan laguntzea, erabakiak hartzea, zuhurtziaz jokatu eta arriskua kudeatzea mendiko jardueretan.
         – Mendizale gazteenei prestakuntza ematea, besteak beste, naturarekiko errespetua, gainerako lagunekiko elkartasuna eta mendiaren inguruko segurtasunaren garrantzia kontuan hartuta.
         – Hurbilen ditugun mendietan ez bezalako ezaugarriak dituen beste mendikate mota bat ezagutzea, bai geologian, faunan eta floran, bai ohituretan eta despopulazio-maila handiagoan.

Azken batean, ikastea eta ondo pasatzea ez direla zertan liskartuta egon behar erakusten duen jarduera bat da.

Jarraian, jarduerei buruzko informazio guztia aurki dezakezuen estekak dituzue:

Jubenilen Mendi Zeharkaldia (14-17 urte): Integral Juvenil Cordillera Cantábrica – Federación de Deportes de Montaña del Principado de Asturias (fempa.net)

Infantilen Mendi Zeharkaldia (8-13 urte): https://fempa.net/travesia-cordillerina/

Interesatuek zuzenean GMF-ren bulegoarekin harremanetan jarri beharko duzue (Ez jarri harremanetan antolatzailearekin):
Telf: 943 461440 edo emaila: gmf-federatuak@kirolak.net